Жеті оқиғадан тұратын бұл кітап қала балаларының өмірін суреттейді. Бір топ мектеп оқушылары шытырман оқиғаны ашуға кіріскендерін өздері де аңғармай қалады.Сүйікті әжесінің сырласы болып кеткен көрші кемпірдің көптен көрінбей кеткені, сегізінші сынып оқушысы Кәрімді қатты мазасыздандырады. Бірде достарымен базарға бара жатып, таксиге отырған ол жүргізушінің гүрілдеген үнін бұрын тұрғын үйінің кіреберісінде естігендігіне күмәні қалмайды. Осылай өрбіген оқиғаның аяғы қорғансыз қарттың пәтерін тартып алып, саудалап жүрген ұйымдасқан қылмысты ашумен аяқталады. Бір топ баланың шытырман оқиғаларды ашудағы ізденістері, бір-біріне айнымас достығы одан кейінгі түрлі оқиғаларды бірлесіп ашуға негіз болады. Достық пен татулықтың арқасында олар талай-талай қиын түйіндерді шешіп, балалық шақтарын өздеріне де, айналасындағыларға да пайдалы етіп өткізе білетіндігіне осы кітаптағы қызықты оқиғаларды оқи отырып, куә боласыздар.
👍Струва си да се прочете🔮Дълбока вода💞Обичам я до смърт
