Қўлингиздаги китобда менинг ҳали унчалик узун бўлмаган ҳаёт йўлим акс этган. Бу бадиий асар ёки монография эмас. Ушбу китобни ўқиган ёшларимиз ўзларига озгина бўлса-да, мотивация олсалар, фақат хурсанд бўламан. Хато (имло, стилистик ва ҳоказо), камчиликларга дуч келсангиз, айбга буюрмайсиз.
Китоб устида ишлаш жараёнида турли фикрлар бўлди. «Керакми шу, бунақа китоблар чиқмаган, агар чиқса, эртага бошингга бало бўлмайдими, дарров ёмонликка буришмайдими…» деган хавотир, шубҳалар ҳам туғилди. Бироқ шахсий фикримча, агар кўнгил тоза, мақсад холис бўлса, Аллоҳнинг Ўзи асрайди.
Бундай китоблар бизнинг юртда ҳам шов-шувли янги— лик эмас, одатий ҳол сифатида, кўп бўлиши керак. «Китоб ўқи!», деб тарғиб қилсаг-у, лекин янги(ча) китобларни чоп этишга қўрқиб ўтирсак, ўтираверамиз. Ҳаётим давомида кўп ҳолатда Аллоҳга таваккал қилиб, шу бугунги даражага етиб келдим. Бу сафар ҳам худди шундай қиламан. Нима бўлса — пешонадан.
Пандемия даврида, уйда бекор ўтирганда, шу китобни ёзишни Аллоҳ кўнглимга солди. Яхшиликка бўлсин ило-ҳим.
